Jamahal Hill အကြောင်း ပြောပြချင်တယ်

ပရိသတ်အများစုက Jamahal Hill ကို အမြင်မကြည်တာ များပါတယ်။ ဆရာသမားရဲ့ နေပုံထိုင်ပုံကလည်း လူချစ်ချင်စရာကြီး။ မျက်နှာထားကလည်း ပြောင်ပြနေသလို။ ပြဿနာရှာသလို ပွဲဆူအောင်လည်း ပြောတတ်တယ်။ ပြဿနာရှာတာ ပြောရဦးမယ်။

ဟိုတစ်လောက Jamahal Hill နဲ့ Alex Pereira တို့က UFC Performance Institute မှာ ဆုံကြသေးတယ်။ Jamahal Hill က Alex Pereira ကို ပြဿနာရှာတာပါ။ အခုထိုးမယ်ဘာညာလုပ်ပြီး စိန်ခေါ်တယ်။ နည်းပြ Plinio Cruz က လူခွဲပေးလိုက်လို့သာ အကျယ်အကျယ် မငြိမ်းဖွယ်မဖြစ်တာပါ။

Jiri Prochazka ကို စကားစစ်ထိုးပုံကလည်း သင်းတယ်။ Jamahal Hill က စကားတတ်တယ်လေ။ ဘာပြောတယ်မှတ်လဲ။ ငါတို့တွေက Alex Pereira ကို ရှုံးတာတာပါတဲ့။ ဒါပေမယ့် ရှုံးပုံရှုံးခြင်း မတူဘူးကွတဲ့။ မင်းက တစ်ပွဲလုံးသမခံရတာလေ။ ငါက တစ်ချက်ကောင်းမိပြီး ရှုံးတာတဲ့။

တကယ်ဆိုရင် Jamahal Hill က Jiri Prochazka ကို လေးလေးစားစားရှိပါတယ်။ ပွဲမတိုင်ခင်မှာရော ပွဲအပြီးမှာရော အပြုအမူတွေက သိသာထင်ရှားတယ်။ Alex Pereira ကို ပြဿနာရှာတယ်ဆိုတာကလည်း လူစိတ်ဝင်စားအောင် လုပ်တာဖြစ်လိမ့်မယ်။ ပြီးတော့ Jamahal Hill က ပြတ်သားတယ်။ ဒဏ်ရာကြောင့် ချန်ပီယံဘွဲ့ကို စွန့်လွှတ်လိုက်တာပါ။

Jamahal Hill လူလည်ကျချင်ရင် လွယ်ပါတယ်။ ကျွန်တော်ဒဏ်ရာရနေလို့ ခါးပတ်ကာကွယ်မထိုးနိုင်သေးဘူး။ ကြားဖြတ်ချန်ပီယံလုပွဲ လုပ်ထားပါ၊ ကျွန်တော်အဆင်သင့်ဖြစ်ရင် ခါးပတ်ပေါင်းစည်းပွဲထိုးပါမယ်ဆိုပြီး Dana White ကို တောင်းဆိုလို့ရပါတယ်။ ဒါပေမယ့် သူက အဲဒီလိုမလုပ်ဘူး။ မထိုးနိုင်သေးရင် ချန်ပီယံဘွဲ့ကို တစ်ခါတည်းစွန့်လွှတ်လိုက်တာပါ။ ဒီအချက်က လေးစားဖို့ကောင်းတယ်။ စာဖတ်သူတွေ ဘေးကင်းပါစေ။